Mórshiúil Fhéile Pádraig

Ba mhaith le ‘Coiste Fhéile Pádraig’ fáilte a chur roimh an phobal sa chomharsanacht a bheith linn ag an pharáid a bhéas ar siúl i mBaile Locha Riach Céadaoin 17 Márta ag toiseacht ag 1.00 i.n. díreach.
Tosóidh an mórshiúil ag Bóthar an Stáisiúin ar a bhealach tríd an phríomnhshraid agus críochnóidh sé ag Teach na Cúirte ag an Fhaiche Ghlas.
Agus ‘Bliain Idirnáisiúnta Bithéagsúlachta’ a cheiliúradh i 2010, tá ‘Ár Nádúr’  roghnaithe mar théama. Cinnte, tá éagsúlacht breá beatha le feiceáil thart timpeall ar Bhaile Locha Riach agus ba chóir ceiliúradh a dhéanamh ar an éagsúlacht céanna i gcibé dóigh ar mhaith le daoine. Tuigtear go mbeidh Paidí Ó Lionáird TG4 ar ais i mBaile Locha Riach mar fhear a’ Tí le linn na hócáide chomh maith.
Ar mhaithe le cuidiú le reachtáil an pharáid, is mian le Coiste Fhéile Pádraig cuireadh a thabhairt do ghrúpaí pobail is gnó clárú roimh 10 Márta.

Féile Raifteirí ‘10 ag teacht arís.

Tá comóradh iontach leagtha amach thar dheireadh na seachtaine 26-28 Márta i mbliana. Déanfar ceiliúradh ar tréithe Raifteirí mar Ghael, mar fhile, mar amhránaí agus mar cheoltóir.

Tá roinnt scoileanna agus cumainn óige i mbun cleachtadh cheana féin agus iad ag ullmhú drámai i gcomhar le ‘Branar’ agus i mbun ceardlanna amhránaíochta chomh maith. Beidh toradh a saothar le feiceáil ag ‘Ceolchoirm na n-Óg’ in Óstán Locha Riach Satharn 27 Márta.